Ukrayna millisinin üzvü yığmamızla eyni qrupda yer almaqlarından danışıb: "Çətin qrupdu, amma hər şey yaxşı olacaq"

Ukrayna milli komandasının müdafiəçisi Oleksandr Svatok D qrupunda rəqiblərdən birinin Azərbaycan yığması olduğu 2026-cı il dünya çempionatının seçmə mərhələsinin startı ilə bağlı fikirlərini bölüşüb.

Presssport.az xəbər verir ki, ABŞ-ın “Austin” klubunun üzvü uğurlu nəticə qazanmaq istədiklərini açıqlayıb: "Əminəm ki, Ukrayna dünya çempionatına vəsiqə qazanmaq əzmindədi. Ukraynalı azarkeşlər tələb edir, daha azını qəbul etməyəcək. Çətin qrupdur, amma ümid edirəm ki, hər şey yaxşı olacaq və Ukrayna hazır olacaq. Bunun asan olacağını isə gözləməyin. Hər oyuna böyük məsuliyyətlə, düzgün münasibətlə yanaşmalıyıq. Sonra hər şey yaxşı olacaq”.