"Qarabağ" Yunanıstandakı matçla bağlı azarkeşlərə müraciət edib

"Qarabağ" Avropa Liqasının Liqa mərhələsində "Olimpiakos"a qarşı səfərdə keçirəcəkləri matçla əlaqədar azarkeşlərinə müraciət edib.

Presssport.az xəbər verir ki, bu haqda Ağdam klubun mətbuat xidməti məlumat yayıb.

Müraciətdə bildirilib ki, matçı "Stadio Georgios Karaiskakis" stadionunda izləmək və komandanı dəstəkləmək istəyən azarkeşlər üçün ayrılmış vauçerlər bu gündən etibarən iTicket.az-da onlayn şəkildə satışa çıxarılacaq.

Azarkeşlər əldə etdikləri vauçerləri oyun günü saat 19:00-dan 21:00-a kimi "Stadio Georgios Karaiskakis" stadionunun 27-ci sektorunun qarşısına yaxınlaşaraq biletə dəyişməlidir. Biletlərin qiyməti 50 AZN-dir.

Vauçerlər yalnız iTicket.az-da satışda olacaq. Stadionda vauçerlərin və biletlərin satışı olmayacaq. Vauçerləri əldə edən şəxslər vauçerləri biletə dəyişərkən şəxsiyyətini təsdiq edən sənəd üzərində olmalıdı. Vauçeri əldə edən azarkeş şəxsi məlumatları şəxsiyyətini təsdiq edən sənəddə olduğu kimi doldurmalıdı. 

Xatırladaq ki, “Olimpiakos" - “Qarabağ” oyunu yanvarın 30-u Yunanıstanda yerli vaxtla saat 22:00-da (Bakı vaxtilə saat 00:00-da) start götürəcək.