Özbəkistanlı futbolçu rəsmən "Sabah"da

"Sabah" heyətinə yeni futbolçu cəlb edib.

QOL.az xəbər verir ki, bu barədə klubun mətbuat xidməti məlumat yayıb.

Belə ki, özbəkistanlı futbolçu Umarali Raxmonaliyev Rusiyanın "Rubin" klubundan "Sabah"a keçib. Müqaviləyə əsasən, Raxmonaliyev icarə əsasında çıxış edəcək. İcarə müqaviləsinin müddəti 1 ildi. 

Umarali karyerası ərzində “Rubin”dən başqa Özbəkistanın “Bunyodkor” klubunda da çıxış edib. 21 yaşlı yarımmüdafiəçi Özbəkistanın U-23 millisinin üzvüdü. O, yığmada 16 oyun keçirib, 3 qol vurub.

Raxmonaliyev 2023-cü ildən "Rubin"də çıxış edib. Gənc futbolçu bu mövsüm "Rubin"də 7 oyuna çıxıb və 1 qol ötürməsi edib.

Xatırladaq ki, "Sabah" bu qış Qazaxıstan millisinin qapıçısı Stas Pokatilovu da heyətinə cəlb edib.