Şamaxıdakı matç təxirə salınmayacaq - stadion oyuna hazırdı

Misli Premyer Liqasının 24-cü turunun “Şamaxı” - “Turan Tovuz” oyunu nəzərdə tutulduğu vaxtda baş tutacaq.

Presssport.az xəbər verir ki, Şamaxıya şəhər stadionundakı matç nəzərdə tutulduğu kimi, bu gün saat 14:30-da start götürəcək.

Şamaxıda qar səbəbindən bir neçə saat əvvəl meydança əlverişsiz vəziyyətdə olub. Lakin aparılan işlər nəticəsində meydança qardan təmizlənib və oyun üçün hazır vəziyyətə gətirilib.

Beləliklə, “Şamaxı” - “Turan Tovuz” oyunu təxirə salınmayacaq və nəzərdə tutulan vaxtda başlayacaq.

“Turan Tovuz”un oyunun təxirə salınması ilə bağlı (canlı yayımın və VAR-ın olmaması səbəbindən) Peşəkar Futbol Liqasına müraciətinə isə müsbət cavab verilməyib.