"Zirə"nin rəqibi "Palermo"nun sabiq qapıçısını transfer etdi

“Zirə” Avropa Liqasının I təsnifat mərhələsində rəqibi olan Moldovanın “Şerif” klubu yeni qapıçı transfer edib. 

Pressport.az xəbər verir ki, Malta millisinin 23 yaşlı qolkiperi Rəşid Əl-Tuminin Tiraspol təmsilçisiylə 1 illik müqavilə imzalayaraq keçidini rəsmiləşdirib. 

Rəşid futbolda ilk klubu olan Maltanın “Valletta”sından 2016-cı ildə gedərək İtaliyaya köçüb və bundan sona karyerasına həmin ölkənin təmsilçilərində - "Palermo", "Kasarano", "Arzakena" və “Nocerina”da davam etdirib. 

Bundan sonra Vətəninə dönən Əl-Tumi son 2 mövsümdə “Slima Uonderers”da çıxış edib, bu il Belarus yığması ilə matçda isə millisində debüt edib.