"Makkabi" "Sabah"a müraciətlə bunu təklif etdi - istiqamət Macarıstan yox...

“Makkabi” Konfrans Liqasının II təsnifat mərhələsindəki rəqibi olan "Sabah"a müraciət edib.

Presssport.az İsrail mətbuatına istinadən xəbər verir ki, Hayfa təmsilçisi Azərbaycan klubuna matçların yerlərinin dəyişdirilməsi haqda təklif göndərib. 

Belə ki, "Makkabi" tərəfi "Sabah"a püşkatmadan sonra cavab oyununun deyil, ilk matçın Azərbaycanda keçirilməsini istəyib. Üstəlik, maddi-texniki çətinliklər səbəbindən israillilər ev matçını əvvəlcədən planlaşdırıldığı kimi Macarıstanda deyil, Bolqarıstanda keçirmək niyyətindədi. 

Xatırladaq ki, bu turun oyunları iyulun 25-də və avqustun 1-də keçiriləcək.