Albaniya millisinin hücumçusu dilinin bəlasına düşdü

Albaniya millisinin futbolçusu Mirlind Daku AVRO-2024-də 2 oyunluq cəzalandırılıb.

Presssport.a xəbər verir ki, buna hücumçunun Xorvatiya yığmasıyla qrup mərhələsinin II turundan sonra (2:2) makedoniyalılara və serblərə qarşı təhqiramiz şüarlar səsləndirməsi səbəb olub.

Nəticədə Kazan "Rubin"inin forvardı turnirin qrup mərhələsinin iyunun 24-də İspaniya millisi ilə keçiriləcək həlledici oyununda millisinə kömək etməyəcək və albanlar qrupdan çıxacağı təqdirdə 1/8 final görüşünü də buraxacaq. 

Bundan əvvəl Şimali Makedoniya Futbol Federasiyası Dakanı təhqiredici şüarlara görə cəzalandırmağa çağırıb, həmçinin onun davranışına görə ictimaiyyətdən üzr istəməsini tələb edib.