Naqelsmann üçün mərkəz müdafiəçisi problemi - biri cəzalı, biri zədəli

Almaniya millisinin aparıcı futbolçularından olan Antonio Rudiger ölkəsində keçirilən AVRO-2024-də zədələnib.

Presssport.az xəbər verir ki, bu barədə yığmanın baş məşqçisi Yulian Naqelsmann açıqlama verərək təcrübəli mərkəz müdafiəçisinin İsveçrə yığmasıyla heç-heçə (1:1) etdikləri qrup mərhələsinin III turunun matçında ombasından xəsarət aldığını bildirib: "Ümid edirəm ki, Abtonioya ciddi bir şey olmayıb. Amma bu, bizə problem yarada bilər".

Bu yerdə bildirək ki, Almaniya millisinin digər mərkəz müdafiəçisi Conatan Ta 1/8 final görüşünü buraxacaq. Belə ki, İsveçrə ilə görüşdə “sarı” alan bu futbolçu vərəqə limitini doldurduğundan növbəti matçda komandasına kömək edə bilməyəcək.

Xatırladaq ki, Almaniya yığması A qrupunun lideri kimi 1/8 finala vəsiqə qazanıb.