Basketbol millimiz təlim-məşq toplanışının 2-ci mərhələsinə start verib

Azərbaycanın U-20 basketbol millisi təlim-məşq toplanışının 2-ci mərhələsinə start verib.

Azərbaycan Basketbol Federasiyasından Presssport.az-a verilən məlumata görə, iyunun 20-dən milli komandamız Memarlıq və İnşaat Universitetinin idman zalında təlim-məşq toplanışının 2-ci mərhələsinə başlayıb.

İspaniyalı baş məşqçi Alberto Blankonun rəhbərliyi ilə hazırlıq prosesində taktiki və texniki, hücum-müdafiə planları üzərində çalışılıb. Taktiki hazırlıqlarda yığmamızın köməkçi məşqçiləri Zaur Paşayev və Anar Hacıyev də yaxından iştirak edib.

Hazırlıq prosesi iyulun 12-dən 21-dək Rumıniyanın Piteşti şəhərində keçiriləcək Avropa çempionatının B divizionunun oyunlarına hazırlıq xarateri daşıyır.

Təlim-məşq toplanışının 2-ci mərhələsi iyulun 4-dək davam edəcək.