Millimizin ispaniyalı baş məşqçisi: "Hədəfimiz ancaq qalib gəlməkdi"

"Oyunçuların hazırlığından razıyam. Oyunçuların hazırlığından razıyam. Bununla belə, Rumıniyaya hansı heyətlə yollanacağımızı müəyyənləşdirməmişik. Gələn həftə hər şeyə aydınlıq gələcək".

Presssport.az xəbər verir ki, bunu Azərbaycanın basketbol üzrə U-20 millisinin baş məşqçisi Alberto Blanko deyib.

Azərbaycan Basketbol Federasiyasının mətbuat xidmətinə açıqlama verən ispaniyalı mütəxəssis Bakıda davam edən təlim-məşq toplanışının yüksək səviyyədə keçdiyini söyləyib: “Təlim-məşq toplanışı 10-12 gün davam etməlidir. Lakin proses bir qədər uzun çəkəcək". 

Blanko iyulun 12-dən 21-dək Rumıniyanın Piteşti şəhərində keçiriləcək Avropa çempionatının B divizionunda çıxış edəcək millimizin rəqibləri barədə danışıb: "Turnirdə bizi çətin sınaq gözləyir. Qrupda qələbə qazanmamışıq. Hədəfimiz ancaq qalib gəlməkdi".

Onu da bildirək ki, Azərbaycanın U-20 millisinin təlim-məşq toplanışının ikinci mərhələsi iyulun 4-dək davam edəcək.