AVRO-2024: Avstriya qrup qalibi oldu, ona uduzan Niderland 3-cü yerlə pley-offa çıxdı

Bu gün AVRO-2024-də qrup mərhələsində III turun növbəti oyunları keçirilib.

Presssport.az xəbər verir ki, oynanılan 4 matç C və D qruplarında olub. 

D qrupunda Niderland Avstriyaya uduzub, Fransa isə son pillənin sahibi Polşa ilə görüşdə 2 xal itirib. Bununla da Avstriya qrup lideri kimi, Fransa 2-ci yerin sahibi kimi 1/8 finala adlayıb. Niderland isə qrup mərhələsində 3-cü yeri tutan ən yaxşı 4 komandadan 1-i kimi pley-offa yüksəlib.

C qrupunda hər 2 matç qolsuz yekunlaşıb. Bu nəticələrdən sonra İngiltərə 5 xalla qrup 1-cisi, Danimarka 3 xalla qrup 2-cisi olaraq pley-offa yüksəlib. Sloveniya isə 3-cü yeri tutan ən yaxşı 4 komandadan 1-i kimi növbəti mərhələyə adlayıb.

25 iyun

20:00. Niderland - Avstriya - 2:3

Qollar: Qakpo, 47, Depay, 75 - Malen, 6-avtoqol, Şmid, 59, Sabitzer, 80

Baş hakim: İvan Krujlyak (Slovakiya)

Berlin Olimpiya Stadionu

20:00. Fransa - Polşa - 1:1

Qollar: Mbappe, 56-pen. - Levandovski, 79-pen.

Baş hakim: Marko Quida (İtaliya)

Dortmund, "Siqnal İduna Park"