"Turan Tovuz" rəsmisi Qəbələdəki rəqibləri açıqladı: "Bundan sonra Qızılcahamama toplanışa gedəcəyik"

“Turan Tovuz” türkmənistanlı yeni baş məşqçisi Kurban Berdıyevin rəhbərliyi altında Bakıdakı qısamüddətli hazırlığı başa vuraraq Qəbələyə yollanıb. 

Klubun idman və əməliyyatlar üzrə direktoru Səməd Nəsibovun Presssport.az-a verdiyi məlumata görə, həmin bölgədəki təlim-məşq toplanışında 2 yoxlama matçı keçirməyi nəzərdə tutublar və rəqiblər də demək olar müəyyənləşib: “İyulun 7-də ”Şəmkir"lə (II Liqa təmsilçisi-müəllif.) oynayacağıq, 10-da isə böyük ehtimalla “Kəpəz”lə. Qəbələdəki əsas stadionun meydançasının qazonu dəyişdirildiyindən, matçları ehtiyat meydançada keçirəcəyik".

Nəsibov iyulun 10-da Qəbələ toplanışını başa vurduqdan sonra xaricə üz tutacaqlarını diqqətimizə çatdırırb: "Qarşıdakı mövsümə hazırlığın son mərhələsini Türkiyədə keçirəcəyik. Bu, Ankarada Qızılcahamamda olacaq. İyulun 13-də gedəcəyik, 26-da qayıdacağıq. Orda da yoxlama oyunları keçirəcəyik. Say 3-4 olacaq, sadəcə, rəqiblər hələ dəqiqləşməyib". 

Xatırladaq ki, yeni çempionat avqustun 2-də başlayacaq.