"Rahil Məmmədovun keyfiyyəti var və bunu göstərdi" - LKS-in baş məşqçisi

“Düşünürəm ki, Rahil Məmmədov və Hüseyn Baliçin keyfiyyəti var. Onlar bu gün bunu göstərdi”.

Presssport.az xəbər verir ki, bunu LKS-in baş məşqçisi Pyotr Stokovets PolşaEkstraklasanın XX turunda səfərdə "Korona"ya 1:2 hesabı ilə uduzduqları oyundan sonra mətbuat konfransında deyib.

Meydanda fərqli kollektiv gördüyünü deyən polşalı mütəxəssis nəticəyə görə təəssüflənir: "Komanda yaxşı işləyir. Futbolçular bu qarşılaşmada ürəkli çıxış etdi. Bizim üçün ağır məğlubiyyət idi. Çətindir, amma nəticə qazanmağa çalışacaq, mübarizəni davam etdirəcəyik".

Xatırladaq ki, Lodz təmsilçisi 19 matçdan sonra 10 xalla sonuncu - 18-ci pillədə qərarlaşıb.