"Qəbələ" darmadağınla başladı

“Qəbələ” qış hazırlığı çərçivəsində ilk yoxlama oyununu keçirib.

Presssport.az klubun rəsmi saytına istinadən xəbər verir ki, “qırmızı-qaralar” “Mingəçevir”lə üz-üzə gəlib. Qarşılaşma Qəbələ şəhər stadionunda baş tutub.

Kaxaber Sxadadzenin komandasının üstünlüyü ilə keçən matçın ilk yarısında 2 qol vurulub. Belə ki, Saheed Akorede və Murad Musayev rəqib qapısına yol tapıb.

Fasilədən sonra “Qəbələ” daha 2 dəfə fərqlənib. Hər 2 qolu Domi Massoumo vurub.

Beləliklə, “qırmızı-qaralar” yoxlama oyununda 4:0 böyükhesablı qələbə qazanıb.