“Sərhədçi" İdman Mərkəzində basketbol üzrə Azərbaycan Kubokunun B qrupunda növbəti iki oyun keçirilib.
Presssport.az xəbər verir ki, günün ilk oyunu "Gəncə" və “NTD-İndiqo” arasında baş tutub.
Bu oyun Xaçmaz təmsilçisinin 98:75 hesablı qələbəsi ilə yekunlaşıb. Bu qələbə ilə "NTD-İndiqo" qrupdan çıxmağı təmin edib. Ən məhsuldar basketbolçular "Gəncə"də Donovan Filds (25 xal, 5 asist), "NTD-İndiqo"da Əkbər Məmmədov (22 xal, 11 ribaund) olub.
Günün 2-ci oyununda "Sabah" "Sərhədçi" ilə qarşılaşıb. Bu görüşdə "Sərhədçi" 87:82 hesablı qələbə qazanaraq sensasiyanı reallaşdırıb. Bu qələbə ilə "Sərhədçi" qrup oyunlarını yekunlaşdıraraq, qrupdan çıxmaq şanslarını artırıb. Ən məhsuldar basketbolçular "Sabah"da Artyom Butyankov (17 xal, 11 ribaund), "Sərhədçi"də Leon Cilmor (21 xal, 7 ribaund) olub.
"B" qrupunda yarımfinala vəsiqə qazanacaq ikinci komandanın adına "Sabah" - "NTD-İndiqo" oyunundan sonra aydınlıq gələcək.
Mehman Süleymanov
Bugün
| Bazar | B.E | Ç.Ə | Ç | C.A | C | Ş |
|---|---|---|---|---|---|---|
© PressSport . copyright by Mehman Suleymanov all rights reserved. Created by INT BAKU LLC
