Paraatletika millimiz Qran-pridə çıxış edəcək

Paraatletika üzrə Azərbaycan millisi İtaliyanın Cesolo şəhərində təşkil olunacaq Qran-pridə çıxış edəcək.

Presssport.az xəbər verir ki, bu gün startı veriləcək yarışda yığmanın 5 idmançısı qüvvəsini sınayacaq.

Belə ki, Elvin Astanov, Ömər Bozbaxov, Orxan Qasımov, Məhərrəm Qasımov və Elmir Cəbrayılov baş məşqçi Oleq Panyutinin rəhbərliyi altında yarışacaqlar.

Martın 24-dək davam edəcək Qran-pri 17-25 may tarixlərində Yaponiyanın Kobe şəhərində baş tutacaq dünya çempionatına hazırlıq xarakteri daşıyır.