Azərbaycan İngiltərəylə 10 dəfə oynayıb, qol vura bilməyib

U-21 millimiz tarixində 5-ci dəfə İngiltərədən olan həmyaşıdlarıyla qarşılaşacaq.

Presssport.az xəbər verir ki, arxada qalan matçlar da indiki kimi, Avropa çempionatının seçmə mərhələsinə təsadüf edib. 

21 yaşlılarımız ingilislərlə ilk dəfə 20 il əvvəl Bakıda qarşılaşıb və qolsuz bərabərliyə qalıb. Bundan sonrakı 3 görüşdə isə britaniyalıların eyni - 2:0 hesablı qələbəsi qeydə alınıb. 

Digər yığmalar - əsas, U-19 və U-17 səviyyəsində qarşılaşmaları da nəzərə alsaq, Azərbaycan İngiltərəylə 10 dəfə görüşüb. Bu matçların heç birində qol vura bilməməyimizlə, bir qayda olaraq uduzmağımızla bağlı uğursuz statistika var. Yəni, ingilislərə yenilmədiyimiz yalnız start matçıdı.