"Azərbaycan yığmasının heyətində yaxşı klublarda oynayan futbolçular az deyildi"

Bolqarıstan millisinin futbolçusu Viktor Popov Bakıda keçirilən "FİFA series" mini-turnirin nəticələrindən danışarkən Azərbaycan yığması ilə oyuna (1:1) də toxunub.

Presssport.az ki, cinah müdafiəçisi milli komandamızın heyətinin güclü olduğunu vurğulayıb:

"Təəssüf ki, Azərbaycanı məğlub edə bilmədik. Çünki hesabı açdıqdan sonra qol imkanlarımız çox idi. Amma onların da şansları az deyildi. Əvvəllər Azərbaycan kimi milli komandalara rast gəlməmişik. Düşünürəm ki, bu turnir bizim üçün çox faydalı olacaq. Bolqarıstanda əsas və böyük problemlərdən biri bilirsiz nədir? Bizdə kiçik yığmalar lazımınca qiymətləndirilmir. Halbuki, onların heyətinə nəzər salanda, görürsən ki, futbolçuları kifayət qədər layiqli klublarda oynayır. Azərbaycan yığmasının heyətində də yaxşı klublarda oynayan futbolçular az deyildi".

Xatırladaq ki, Azərbaycan - Bolqarıstan görüşü 1:1 hesabı ilə başa çatmışdı. Hər 2 yığma turnirdə ilk matçlarında minimal hesablı qələbə qazanmışdı.