Rəqiblərini təhqir edən üç futbolçu cəzalandırılıb

AFFA İntizam Komitəsi üç futbolçunu cəzalandırıb.

Presssport.az xəbər verir ki, buna onların rəqib futbolçuları təhqir etməsi səbəb olub.

Belə ki, xoşagəlməz olat Əvəzedicilər liqasında XXXI turun “Zirə-2” – “Neftçi-2” oyununda baş verib. 52-ci dəqiqədə Ramin Abdullayev qonaq komandanın futbolçusunu təhqir etdiyinə görə birbaşa qırmızı vərəqə alıb. "Neftçi-2"nin heyətində isə eyni səbəbdən 75-ci dəqiqədə Fərid Səfərli, 78-ci dəqiqədə isə İbrahim Novruzov meydandan qovulub.

Hər üç futbolçu 3 oyun cəzalanıb. "Zirə-2" 200 manat, “Neftçi-2” isə 400 manat cərimə ödəyəcək.