Mayın 8-də Serbiyanın paytaxtı Belqradda start götürəcək Avropa çempionatında iştirak edəcək Azərbaycan taekvondoçuları bəlli olub.
Presssport.az xəbər verir ki, baş məşqçi Məmməd Abdullayev və Elnur Amanov 4 gün davam edəcək yarışda Səyyad Dadaşov (54 kq), Qaşim Maqomedov (58 kq), Riyad Şirəliyev (63 kq), Yaşar Məmmədli (68 kq), Cavad Ağayev (74 kq), Eltac Qafarov (80 kq), Taleh Süleymanov (87 kq) və Hamidreza Badrialiabadiyə (+87 kq) şans verəcək.
Qadınlardan ibarət yığmanın baş məşqçisi Sun Mi Parkla böyük məşqçi Seul Bi Li isə çempionatda Zemfira Həsənzadə (46 kq), Məryəm Məmmədova (49 kq), Nigar Abdullayeva (53 kq) və Leyla Bəşirovanı (57 kq) sınayacaq.
Yarışda beynəlxalq dərəcəli hakimimiz Aygül Abdullayeva referilər sırasında yer alacaq.
Bu gün səfərə yollanan komandaya rəhbərliyi isə Azərbaycan Taekvondo Federasiyasının Nəzarət-Təftiş komitəsinin sədri Anar Surxayzadə edəcək.
Mehman Süleymanov
Bugün
| Bazar | B.E | Ç.Ə | Ç | C.A | C | Ş |
|---|---|---|---|---|---|---|
© PressSport . copyright by Mehman Suleymanov all rights reserved. Created by INT BAKU LLC
