İyulun 26-dan avqustun 11-dək Fransanın paytaxtı Paris şəhərində keçiriləcək XXXIII Yay Olimpiya Oyunlarına cəmi 6 ay qalır. Azərbaycan idmançılarının Olimpiadaya lisenziya uğrunda yarışları davam edir. Şübhəsiz hər bir idman azarkeşi Parisə yollanmaq, Olimpiya Oyunlarını yarış meydanlarından izləmək arzusundadı. Presssport.az Azərbaycan Gənclər və İdman Nazirliyinin mətbuat xidmətinə istinadən xəbər verir ki, Paris-2024 Olimpiya Oyunlarının Təşkilat Komitəsi bunun üçün xüsusi portal istifadəyə verib.
Yarışları izləmək üçün www.hospitalitytravelpackages.paris2024.org portalına daxil olaraq istənilən idman növü üzrə yarışlara bilet almaq olar. Azarkeşlər yarışlara biletlərin daxil olduğu səyahət paketi və yalnız yarışlara bilet sifariş edə bilərlər.
Gənclər və İdman Nazirliyi yarışları idman arenalarında izləmək, idmançılarımızı Parisdə dəstəkləmək arzusunda olan azarkeşlərə qeyd edilən portal vasitəsilə öncədən bilet almağı tövsiyə edir.
Mehman Süleymanov
Bugün
| Bazar | B.E | Ç.Ə | Ç | C.A | C | Ş |
|---|---|---|---|---|---|---|
© PressSport . copyright by Mehman Suleymanov all rights reserved. Created by INT BAKU LLC
