"Şamaxı" Şamaxıda başlayır, Gürcüstana səfəri fikirləşir: "Rəqiblər burda olsa, planımızda..."

Bir illik fasilədən sonra Premyer Liqaya qayıdan “Şamaxı” yeni mövsümə hazırlıq planlarını müəyyənləşdirir. 

Komandanın yeni baş məşqçisi Ayxan Abbasov Presssport.az-a açıqlamasında iyulun 1-də Şamaxıda bir araya gələcəklərini söyləyib: “Hazırlığın ilk mərhələsini orda keçirəcəyik. Bu, iyunun 12-dək olacaq. Sonrakı təlim-məşq toplanışının məkanı hələ bəlli deyil. Baxaq görək kimlə oynaya bilirik, komandanın heyətinin formalaşdırılması necə olacaq. Bundan sonra qərar verəcəyik. Ola bilər ki, 2-ci toplanışı xaricdə keçirək. Gürcüstana getməyi fikirləşirik. Amma bu, hələ yüzdəyüz deyil. Orda gərək sınaqçı-rəqiblər olsun. Biz də hazırlığın 2-ci mərhələsində əsas oyunlar üçün sparrinqlər axtarırıq. Rəqiblər burda olsa, planımızda elə burda qalmaqdı”.

Xatırladaq ki, yeni çempionat avqustun 2-də başlayacaq.