AVRO-2024-də 1/8 final mərhələsinin daha bir matçı keçirilib.
Presssport.az xəbər verir ki, “Frankfurt Arena” gerçəkləşən qarşılaşmada Portuqaliya və Sloveniya yığmaları üz-üzə gəlib.
Oyunun əsas və əlavə vaxtında qol vurulmayıb. Hərçənd, italiyalı Daniele Orsatonun idarə etdiyi görüşün 105-ci dəqiqəsində portuqalların kapitanı Kriştiano Ronaldo penaltidən hesabı açmaq üçün real şansa malik olsa da, rəqib qapıçı Yan Olbak zərbəni dəf edib.
Penaltilər seriyasında isə Portuqaliya millisi daha dəqiq olaraq (3:0) 1/4 finala yüksəlib. Portuqaliyalıların qapıçısı Dieqo Koşta rəqibin hər 3 penaltisini dəf edib. Ronaldo bu dəfə 11 metrlik zərbəsini dəqiq yerinə yetirib.
Beləliklə, Portuqaliya 1/4 finalda Fransaya rəqib olub. Bunadək keçirilən 4 1/8 final matçından sonra 1/4 finalın 2 cütü müəyyənləşib. Belə ki, İspaniya Almaniya ilə, İngiltərə İsveçrə ilə üz-üzə gələcək.
Mehman Süleymanov
Bugün
| Bazar | B.E | Ç.Ə | Ç | C.A | C | Ş |
|---|---|---|---|---|---|---|
© PressSport . copyright by Mehman Suleymanov all rights reserved. Created by INT BAKU LLC
