"Sumqayıt" yeni legionerin transferini açıqlayıb

2024/2025 mövsümü üçün transfer çalışmalarını davam etdirən “Sumqayıt” daha bir futbolçunun keçidini rəsmiləşdirib.

Klubun mətbuat xidmətindən Presssport.az-a verilən məlumata görə, son mövsümü Bosniya və Herseqovinanın “Sarayevo” klubunda keçirmiş Slavişa Radoviç ilə müqavilə imzalanıb.

Bu gün Ankarada tibbi baxışdan keçən 30 yaşlı müdafiəçi ilə "1+1" illik anlaşma əldə olunub. Radoviç “3 nömrə”li formada çıxış edəcək.

Xatırladaq ki, “Sumqayıt” buna qədər Rəhim Sadıxov və Fernando Medeyrosun keçidini rəsmiləşdirib.