"Sumqayıt" - "Fehervar" matçının biletləri satışda

Konfrans Liqasının II təsnifat mərhələsində keçiriləcək "Sumqayıt" - "Fehervar" qarşılaşmasının biletləri artıq satışdadı.

Presssport.az xəbər verir ki, bu barədə “gənclik şəhəri"nin mətbuat xidməti məlumat yayıb.

Biletləri iTicket.az, 1 saylı Sumqayıt ASAN Xidmət mərkəzi, 20 iyuldan etibarən isə Mehdi Hüseynzadə adına stadionun kassasından əldə etmək mümkündü. 

Biletlərin qiyməti sektorlardan asılı olaraq 5, 10 və 25 manatdı.

Xatırladaq ki, iyulun 25-də Mehdi Hüseynzadə adına Sumqayıt şəhər stadionunda keçiriləcək görüş saat 20:00-da başlayacaq.