"Qarabağ"a qarşı əvvəl Bakıda oynamış "Dinamo"lu: "Sabahkı matçda da azarkeşlərdən bunu gözləyirik"

"Dinamo"nun futbolçusu Sami Mmae Çempionlar Liqası pley-off mərhələsinin "Qarabağ"la cavab oyunundan öncə baş tutan mətbuat konfransında iştirak edib.

Presssport.az xəbər verir ki, mərakeşli mərkəz müdafiəçisi əvvəlcə sabahkı görüşlə bağlı gözləntilərini bölüşüb.

- Rəqib komanda doğma evində oynayır. Bu oyun bizim üçün çətin keçəcək. Bütün diqqətimiz və fokusumuz matçı yaxşı səviyyədə keçirməkdi ki, növbəti mərhələlərə addım ata bilək.

- Ötən mövsüm "Dinamo" PAOK və "Sparta"ya böyük hesabla uduzmuşdu. Sabahkı oyunda belə mənzərəni təsəvvür edirsiniz? 

- Özümüzə inanırıq. Gücümüzün olduğunu düşünürük. Həmin oyunlarda iştirak etməmişəm.

- "Ferentsvaroş"un heyətində "Qarabağ"a qarşı oynamısınız. Sabahkı atmosferin necə olacağını gözləyirsiz?

- Bəli, həmin matçı xatırlayıram. Oyun çətin keçmişdi. Azarkeşlər tərəfindən "Qarabağ"a güclü dəstək var idi. Sabahkı oyunda da bunu gözləyirik.