Çimərlik yığmamız Belarusa yenə uduzdu

Çimərlik futbolu üzrə Azərbaycan millisi Bakıda təşkil edilən təlim-məşq toplanışında 2-ci yoldaşlıq görüşünü keçirib.

Presssport.az xəbər verir ki, yığmamız növbəti dəfə Belarusla üz-üzə gəlib.

Su İdmanı Sarayının çimərlik futbolu meydançasında baş tutan qarşılaşmada rəqib 3:2 hesablı qələbə qazanıb.

Komandamızın heyətində qolları Amid Nəzərov və Sabir Allahquliyev vurub.

Tərəflər arasında bir gün əvvəl keçirilən qarşılaşmada Belarus yığması 4:2 hesabı ilə qalib gəlib.

Onu da bildirək ki, yeni baş məşqçi Sahib Məmmədovun rəhbərliyi altında avqustun 1-dən təlim-məşq toplanışında olan yığmamızın hazırlığı ayın 31-dək davam edəcək.