Formula 1-ə görə bu yol da bağlanır

İstiqlaliyyət küçəsi və onunla kəsişən küçələrdə nəqliyyatın hərəkəti məhdudlaşıb.

Presssport.az xəbər verir ki, bu haqda Bakı Şəhər Halqası Əməliyyat Şirkətindən məlumat yayıb.

Bildirilib ki, “Formula 1 Qatar Airways” Azərbaycan Qran Prisi 2024-ə hazırlıq çərçivəsində, 29 avqust saat 23:59-dan etibarən İstiqlaliyyət küçəsinin Məmməd Əfəndiyev, Murtuza Muxtarov, Adil Babayev və Zərgərpalan küçələri ilə kəsişmələrində nəqliyyatın hərəkəti məhdudlaşdırılıb.

Məhdudiyyətlər yarışların sona çatmasına qədər qüvvədə olacaq.

Xatırladaq ki, “Formula 1 Qatar Airways” Azərbaycan Qran Prisi 2024 13-15 sentyabr tarixlərində keçiriləcək.