Bu dəfə millimiz üçün Bakıya gəlir - "Neftçi Arena"da ayağı bizə düşərli olub

Azərbaycan milli komandasının sentyabrın 5-də İsveç yığması ilə Bakıda keçirəcəyi UEFA Milətlər Liqasının I tur oyununun hakim təyinatları açıqlanıb.

Presssport.az AFFA-ya istinadən xəbər verir ki, Tofiq Bəhramov adına Respublika Stadionunda təşkil olunacaq görüşü Macarıstandan olan hakimlər briqadası idarə edəcək:

5 sentyabr

Azərbaycan - İsveç

Tofiq Bəhramov adına Respublika Stadionu. Saat 20:00
Baş hakim: Balázs Berke
Baş hakimin köməkçiləri: Vencel Tóth, Balázs Szert
Dördüncü hakim: Csaba Pintér

Onu da bildirək ki, 40 yaşlı Berke keçən il “Neftçi”nin Konfrans Liqasının II təsnifat mərhələsində Bosniya və Herseqovinanın “Jelezniçar” klubuna 2:0 hesabıyla qalib gələrək mərhələ adladığı “Neftçi Arena”dakı cavab görüşünü idarə edib.