“Kür” həndbol komandası Avropa Kubokunda ilk oyununda qələbə qazanıb

Azərbaycanın kişi həndbolçulardan ibarət “Kür” komandası Avropa Kubokunda keçirdiyi ilk oyunda qələbə qazanıb.

Presssport.az xəbər verir ki, II mərhələdən yarışa qoşulan təmsilçimiz Kiprin “Parnassos Strovolu” komandası ilə üz-üzə gəlib.

Mingəçevirdəki Kür Olimpiya Tədris-İdman Mərkəzində baş tutan qarşılaşma 35:31 hesablı qələbəmizlə bitib.

Komandalar arasında cavab matçı da sabah Mingəçevirdəki Kür Olimpiya Tədris-İdman Mərkəzində keçiriləcək.