Millimiz Qəbələdə Türkiyə yığmasıyla 2-ci dəfə qarşılaşıb

Qəbələdə təlim-məşq toplanışında olan 15 yaşadək futbolçulardan ibarət Azərbaycan milli komandası növbəti yoxlama görüşünü keçirib.

Presssport.az xəbər verir ki, U-15 Qəbələdə hazırlıq keçən Türkiyənin müvafiq yaş qrupundan ibarət komandası ilə 2'ci dəfə qarşılaşıb.

Oyun 2:2 hesabı ilə yekunlaşıb. Millimizin heyətində qolları 54-cü dəqiqədə Uğur Qurbanlı və 77-ci dəqiqədə penaltidən Əli Bəşirov vurub.

Xatırladaq ki, komandaların oktyabrın 28-də ilk görüşündə Türkiyə yığması 2:0 hesablı qələbə qazanıb.