"İlk oyunla müqayisədə yaxşılığa doğru çox böyük vardı" - Borisovun 1:5-ə şərhi

Bosniya və Herseqovina – Azərbaycan oyunundan sonra futzal yığmamızın baş məşqçisi Vitali Borisovun azfutzal.az-a açıqlama verib.
Presssport.az xəbər verir ki, 40 yaşlı mütəxəssis ilk oyunla müqayisədə yaxşılığa doğru çox böyük fərq olduğunu söyləyib: "Bu gün uşaqlar çox hərəkət etdi, demək olar, meydanın hər yerində var idilər. Səhvlərimiz oldu, amma ilk matçdakı qədər yox. 6-7 real qol epizodu yaratsaq da, cəmi 1-dən istifadə edə bildik. Əlbəttə, narazı qaldığım məqamlar da oldu. İlk oyunda rəqib qapıçısı 5-ci oyunçu funksiyasını yerinə yetirən zaman çox əziyyət çəkdiksə, bu dəfə standart vəziyyətlərin yerinə yetirilməsi zaman kobud səhvlər etdik. 1-i cərimə, 2-si isə künc zərbəsindən olmaqla qollar buraxdıq. Bunun üzərində işləməliyik. Uşaqlara təşəkkür edirəm. İlk məğlubiyyətdən sonra toparlanmağı bacardılar. Meydanda oyun elementləri var idi, dediklərimi yerinə yetirməyə çalışırdılar və bu, alınırdı”.