"Qəbələ" "Olimpiya"ya qarşı

“Qəbələ” milli komandaların oyunları ilə əlaqədar fasilə dövründə hazırlığını davam etdirir.

Presssport.az klubun mətbuat xidmətinə istinadən xəbər verir ki, I Liqanın VII turunun MOİK-lə matçının (3:0) ardından bir həftəlik istirahətə buraxılan komanda bir araya gəldikdən sonra məşqlərini Qəbələ şəhər stadionunda gerçəkləşdirir.

“Qırmızı-qaralar” hazırlıq çərçivəsində 2 yoxlama matçında qüvvəsini sınayacaq. Kaxaber Tsxadadzenin komandası AFFA Region Liqasında çıxış edən “Olimpiya” (Ağcabədi) ilə bu gün üz-üzə gələcək. Ertəsi gün “qırmızı-qaralar” daha bir qarşılaşmaya çıxaaraq “Zaqatala” ilə görüşəcək. Qəbələ şəhər stadionunda baş tutacaq hər 2 oyun saat 15:00-da başlayacaq.