UEFA Elçin Məmmədovu yenə "Fənərbaxça"nın ev oyununa göndərir

AFFA-nın Klubların Lisenziyalaşdırılması Departamentinin direktoru Elçin Məmmədov UEFA tərəfindən təyinat alıb.

Presssport.az qurumun mətbuat xidmətinə istinadən xəbər verir ki, o, Avropa Liqasının 1/8 finalında keçiriləcək “Fənərbaxça” (Türkiyə) – “Reyncers” (Şotlandiya) oyununun UEFA Matç direktoru (UEFA Venue Director) olacaq.

Qarşılaşma martın 6-da İstanbulda yerləşən “Şükrü Saracoğlu” stadionunda baş tutacaq.

Xatırladaq ki, Məmmədov cari mövsümdə bunadək də “Fənərbaxça”nın Avroliqada ev matçlarına təyin alıb.