"Azərbaycanda oynamaq super idi" - "Qarabağ"ın sabiq legioneri

"Qarabağ"ın rusiyalı sabiq qapıçısı Andrey Lunyov öz ölkəsinin mətbuatına açıqlama verib.

Presssport.az xəbər verir ki, hazırda Moskva "Dinamo"sunda çıxış edən təcrübəli qolkiper ölkəmizdəki karyerasının yaxşı keçdiyini vurğulayıb: "Azərbaycanda oynamaq super idi, hər cəhətdən. Həm avrokuboklarda, həm də yerli çempionatda uğurlu mövsüm keçirdik. Həmçinin, ölkə kubokunu qazandıq. Daha da yaxşısını edə bilərdik".

Xatırladaq ki, Lunyov 2023/24 mövsümündə "Qarabağ"ın formasını geyinərək “qızıl dubl” sahibi olub. 34 yaşlı qapıçı Ağdam təmsilçisinin heyətində 34 rəsmi matçda meydana çıxıb.