"Sərhədçi" məğlub oldu, pley-off şanslarını itirmədi

Azərbaycan Basketbol Liqasında XVI tura start verilib.

Presssport.az xəbər verir ki, "Sərhədçi" İdman Mərkəzində baş tutan turun açılış oyununda "Xırdalan" və "Sərhədçi" üz-üzə gəliblər.

Pley-off zonasında qərarlaşan "Xırdalan" məhsuldar oyunun yekununda rəqibini üzərində 112:105 hesablı qələbəyə sevinib. Məğlubiyyətə baxmayaraq, "Sərhədçi" pley-off şanslarını davam etdirir.

Ən məhsuldar basketbolçular "Xırdalan"dan Cakori Arçi (35 xal, 5 asist), "Sərhədçi"dən Cəbrayıl Əkbərov (29 xal, 6 ribaund) olublar.

Turun digər oyunları ("Sabah" - "Şəki", "Gəncə" - "Cəlilabad", "Sumqayıt" - "Xəzri", "NTD-İndiqo" - "Neftçi") 4, 5, 6 və 7 aprel tarixlərində baş tutacaq.