Vitali Borisov: "Millidə görüləsi işlər çoxdur və zaman lazımdı"

“Bu gün komanda olaraq daha yaxşı oynadıq. Rəqibə daha az real qol şansı verdik. Əksinə, birinci oyunla müqayisədə fərqlənmək üçün bu dəfə daha çox epizodumuz oldu".

Presssport.az xəbər verir ki,bu sözləri Azərbaycanın futzal millisinin baş məşqçisi Vitali Borisov Gürcüstanla bu gün keçirilən yoldaşlıq oyunundan sonra deyib.

O, 1:2 hesabı ilə uduzduqları matçı şərh edərək, narazı qaldığı məqamdan da danışıb: "Bu, odur ki, yenə qolları standart vəziyyətlərin icrasından sonra buraxdıq. Bunun üzərində çox işləməli, daha çox oyun keçirməliyik. Oyunun gedişində U-19-dan dəvət etdiyimiz İlham Alıyevə də debüt etmək şansı yaratdıq. Onun da ümidləri doğrultduğunu, komandamıza kömək etdiyini deyə bilərəm. Görüləsi işlər çoxdur və zaman lazımdı”.

Qeyd edək ki, bu milli komandalar iki gün əvvəl də üz-üzə gəlib və onda 2:3 hesablyla yenilmişdik.