"Qarabağ" - "Lion" oyununun hakimləri müəyyənləşib

Bakıda "Qarabağ" və “Lion” (Fransa) arasında keçiriləcək Avropa Liqası matçının təyinatları müəyyənləşib.

Presssport.az xəbər verir ki, qarşılaşma Serbiyadan olan hakimlər briqadasına tapşırılıb.

Belə ki, görüşü FIFA referisi Nenad Minakoviç idarə edəcək. Onun yan xətdə köməkçiləri Nikola Boroviç və Boşko Bojoviç olacaq. Dördüncü hakim funksiyasını Milan Mitiç yerinə yetirəcək.

VAR-da Momçilo Markoviç, AVAR-da Novak Simoviç əyləşəcək.

Xatırladaq ki, Avropa Liqasının Liqa mərhələsinin V turunun noyabrın 28-də Tofiq Bəhramov adına Respublika stadionunda təşkil ediləcək "Qarabağ" - "Lion" görüşü saat 21:45-də start götürəcək.